"Aves e mamíferos mariños no SW de Galiza, todo o ano. Unha experiencia didáctica e emocionante ao mellor prezo!"

domingo, 22 de dezembro de 2013

14/12/2013: saída polo interior da ría de Arousa

O sábado 14 de decembro de 2013, arredor das 9 da mañá, partimos desde o porto do Grove nunha saída con destino á baía da Lanzada. O día estaba despexado, pero a presenza do mar de fondo facíase notar.
A pouca distancia do peirao avistamos un pequeno grupo de arroaces nunha zona na que os avistamentos desta especie son moi habituais, preto da parte leste do polígono de bateas de Meloxo.
Ao chegar cabo do illote de Noro as sospeitas do patrón confirmáronse: a forte mar de fondo imposibilitaba bordear Sálvora, nen seguir a ruta hacia a Lanzada.
Estivemos costeando a cara oeste da illa de Sálvora e a unha milla de distancia arroxamos aceite e chum pola borda pero só acudiron unhas 40 gaivotas. E iso que había centos sobrevoando Vionta ou pousadas nas rochas acompañadas de numerosos corvos mariños cristados.
Ás 10:30 puxemos rumbo cara ao interior da ría dirixíndonos ao illote de Rúa. Despois de bordealo seguimos a nosa viaxe cara a enseada de Rianxo.Polo camiño cruzámonos con dous bandos de píldoras cincentas acompañados dun mazarico rubio.
Puidemos observar numerosas limícolas ao longo da costa do Abanqueiro, sendo esta unha magnífica zona para a observación de aves desde terra, aínda que co barco non puidemos achegarnos demasiado. Xosé Luis Fernández Carnero conseguiu sacar unha foto testimonial dunha mobella en pleno vo.
Tras acadar os Lombos do Ulla emprendemos a viaxe de volta. Descendemos cabo da illa de Cortegada bordeando a súa cara norte. No illote das Briñas avistamos un bando notable de cullereiros e mazaricos reais que se deixaron fotografiar a escasa distancia.
Tras pasar por abaixo a ponte da Illa de Arousa atopámonos cun bando de pentumeiros preto doutro numeroso de corvo mariño cristado.
Nun illote rochoso da cara suroeste de punta Carreirón vimos un bando de gabitas repousando xunto corvos mariños grandes, gaivotas patiamarelas e mazaricos reais.
Xa enfilando cara ao peirao do Grove, preto de onde foran observados pola mañá, avistamos unha banda de arroaces que polos seus movementos e o rebumbio da auga debían de estar en plena actividade pesqueira.
Regresamos ao porto a media tarde. No pantalán atopábase un exemplar de gaivotón que se está facendo habitual nos nosos regresos a terra.
Non foi a mellor saída en canto a especies avistadas, pero foi unha bonita viaxe, na que gozamos da costa e lugares desta preciosa ría desde outro punto de vista.

Esta é a lista das especies observadas:

Nome científico
Nome castelán
N

Anas platyrhynchos
Lavanco
2

Melanitta nigra
Pentumeiro
109

Podiceps cristatus
Mergullón cristado
1

Gavia immer
Mobella grande
1

Ardea cinerea
Garza real
31

Egretta garzetta
Garzota
24

Platalea leucorodia
Cullereiro
17
Número alto para a zona
Phalacrocorax carbo
Corvo mariño grande
302

Phalacrocorax aristotelis
Corvo mariño cristado
409

Morus bassanus
Mascato
9

Haematopus ostralegus
Gabita
121

Pluvialis squatarola
Píldora cincenta
167

Actitis hypoleucos
Bilurico das rochas
3

Arenaria interpres
Virapedras
18

Limosa lapponica
Mazarico rubio
1

Numenius arquata
Mazarico real
46

Stercorarius skua
Palleira grande
2

Chroicocephalus ridibundus
Gaivota chorona
195

Larus michahellis
Gaivota patiamarela
560

Larus fuscus
Gaivota escura
82

Larus marinus
Gaivotón
29

Sterna sandvicensis
Carrán cristado
42

Motacilla alba
Lavandeira branca
2

Corvus corone
Corvo pequeno
8

Stercorarius sp
Palleira sp
1

Tursiops truncatus
Arroaz
15



E algunhas fotos da xornada (c) Xoán Diéguez Vázquez e Juan Gómez Escariz:

Píldora cincenta (Pluvialis squatarola), 14/12/2013, ría de Arousa (SW Galicia) (c) Xoán Diéguez Vázquez.

Píldora cincenta (Pluvialis squatarola), 14/12/2013, ría de Arousa (SW Galicia) (c) Juan Gómez Escariz

Cullereiros (Platalea leucorodia), 14/12/2013, Malveiras, ría de Arousa (SW de Galicia) (c) Xoán Diéguez Vázquez.

Cullereiros (Platalea leucorodia), 14/12/2013, Malveiras, ría de Arousa (SW de Galicia) (c) Juan Gómez Escariz

Cullereiros (Platalea leucorodia), 14/12/2013, Malveiras, ría de Arousa (SW de Galicia) (c) Juan Gómez Escariz
Cullereiros (Platalea leucorodia), corvo mariño grande (Phalacrocorax carbo), gaivotón (Larus marinus) e garza real (Ardea cinerea), 14/12/2013, Malveiras, ría de Arousa (SW de Galicia) (c) Xoán Diéguez Vázquez.

Corvo mariño grande (Phalacrocorax carbo), 14/12/2013, ría de Arousa (SW de Galicia) (c) Juan Gómez Escariz 
Corvo mariño grande (Phalacrocorax carbo) e gaivotón (Larus marinus) (á dereita), 14/12/2013, ría de Arousa (SW de Galicia) (c) Juan Gómez Escariz

Corvo mariño cristado (Phalacrocorax aristotelis), 14/12/2013, ría de Arousa (SW Galicia) (c) Juan Gómez Escariz

Corvo mariño cristado (Phalacrocorax aristotelis), 14/12/2013, ría de Arousa (SW Galicia) (c) Juan Gómez Escariz

Gabitas (Haematopus ostralegus) e gaivota patiamarela (Larus michahellis) (centro), 14/12/2013, punta Carreirón, A Illa de Arousa (SW de Galicia) (c) Juan Gómez Escariz
Gabitas (Haematopus ostralegus) e gaivotas patiamarelas (Larus michahellis) (arriba), 14/12/2013, punta Carreirón, A Illa de Arousa (SW de Galicia) (c) Xoán Diéguez Vázquez

Mazarico real (Numenius arquata), 14/12/2013, ría de Arousa (SW Galicia) (c) Xoán Diéguez Vázquez.

Mazarico real (Numenius arquata), 14/12/2013, ría de Arousa (SW Galicia) (c) Xoán Diéguez Vázquez.

Pentumeiros (Melanitta nigra), 14/12/2013, ría de Arousa (SW de Galicia) (c) Juan Gómez Escariz.

Pentumeiros (Melanitta nigra), 14/12/2013, ría de Arousa (SW de Galicia) (c) Juan Gómez Escariz.

Pentumeiros (Melanitta nigra), 14/12/2013, ría de Arousa (SW de Galicia) (c) Juan Gómez Escariz.


Pentumeiros (Melanitta nigra), 14/12/2013, ría de Arousa (SW de Galicia) (c) Juan Gómez Escariz.


Pentumeiros (Melanitta nigra), 14/12/2013, ría de Arousa (SW de Galicia) (c) Xoán Diéguez Vázquez.


Gaivotón (Larus marinus), 14/12/2013, peirao do Grove (SW Galicia) (c) Juan Gómez Escariz 
Gaivotón (Larus marinus), 14/12/2013, peirao do Grove (SW Galicia) (c) Xoán Diéguez Vázquez

Carrán cristado (Sterna sandvicensis), 14/12/2013, ría de Arousa (SW Galicia) (c) Xoán Diéguez Vázquez.
Mascato (Morus bassanus), 14/12/2013, ría de Arousa (SW Galicia) (c) Juan Gómez Escariz.

segunda-feira, 14 de outubro de 2013

12/10/2013: o día das 6 baleas alibrancas

O sábado día 12 de outubro de 2013 será recordado por un avistamento realmente excepcional: nada menos que 6 baleas alibrancas observadas a curta distancia durante máis de 20 intensos minutos a 12 millas ao W da illa de Sálvora.
Pero houbo máis cousas nesta saída peláxica, que comezou ás 8:45 no porto do Grove, co ceo encapotado e multitude de aves nas bateas da ría, ademais dun pequeno grupo de arroaces. Os furabuchos baleares, os mascatos e os corvos mariños cristados comezaron a aparecer na zona externa da ría, a medida que nos aproximabamos ao illote de Pombeiro. Tras superar a vertical da illa de Sálvora, dirixímonos ao primeiro "chum" a 12 millas ao WSW desta, observando polo camiño pardelas encapuchadas e escuras, pentumeiros, palleiras grandes e parasitas e un número inusualmente alto de mascatos e gaivotas escuras. Un único paíño indeterminado "cruzouse" no camiño do barco á vez que grupitos de golfiños comúns fixeron as delicias da pasaxe ao aproximarse ao "Chasula". O "chum" foi moi produtivo, cun grupo de 15 gaivotas de Sabine, e multitude de gaivotas, incluíndo cabecinegras e un gaivotón.
O segundo "chum", máis ao norte, foi inesquecible, coa aparición de catro baleas alibrancas literalmente ao lado do barco, con dúas un pouco máis afastadas. Atopábanse comendo nese punto, efectuando sopridos, xiros de corpo, inmersións sincronizadas e aparicións repentinas a apenas 10 m do "Chasula". Unha delas era enorme, rozando (se non superando) os 10 m de lonxitude. O posterior veu eclipsado polo "subidón" do avistamento, pero foi tamén apreciado polos participantes: máis gaivotas de Sabine, ata sumar 61 diferentes, unha gaivina negra, un carolo pousado, tres furabuchos do Atlántico, grupiños de golfiños comúns e mesmo un peixe roda. Unha gaivota pequena foi fotografada por un de nós.
A entrada á ría polos illotes do norte de Sálvora foi tamén destacada, con dúas aves de rapina como protagonistas: unha tartaraña das xunqueiras femia, que sobrevoou Vionta, Herbosa e cicleou repetidamente en Noro, e un esmerillón pousado no alto deste último illote.
O broche ao regreso a porto puxérono os furabuchos baleares, unha solitaria gaivota cana e un xoguetón grupo de arroaces, que, cos seus saltos celebraron esta saída, a da Festa do Marisco, que ben poderíase chamar a Festa das baleas.

Táboa de avistamentos proximamente.

E algunhas fotos, (c) Xoán Diéguez Vázquez e Juan Gómez Escariz. Tamén un vídeo (c) Cosme D. Romay, publicado na canle do Grupo Naturalista Hábitat:

Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.


 Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Cosme D. Romay Cousido.

Golfiño común (Delphinus delphis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Golfiño común (Delphinus delphis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Pardela encapuchada (Puffinus gravis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Furabuchos balear (Puffinus mauretanicus), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Furabuchos balear (Puffinus mauretanicus), 12/10/2013, ría de Arousa (SW Galiza) (c) Xoán Diéguez Vázquez.

Mascato (Morus bassanus), xuvenil, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Esmerillón (Falco columbarius), 12/10/2013, illote de Noro, xunto a Sálvora (SW Galiza) (c) Xoán Diéguez Vázquez.

Gaivota cabecinegra (Larus melanocephalus), adulto, 12/10/2013, porto do Grove (SW Galiza) (c) Juan Gómez Escariz.

Gaivota cabecinegra (Larus melanocephalus), inmaturo de segundo inverno, 12/10/2013, porto do Grove (SW Galicia) (c) Juan Gómez Escariz.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

segunda-feira, 7 de outubro de 2013

04/10/2013: saída co COBGA a Sálvora

A media mañá do día 4 de outubro de 2013 saímos un grupo de observadores nunha saída promovida polo Parque Nacional das Illas Atlánticas e o Colexio Oficial de Biólogos, en coordinación don Intramar, S. L. O mar, con lixeiro mar de fondo, e o ceo despexado xusto no Grove (non así nos montes próximos) anunciaban unha saída cómoda. Fomos navegando cara a zona de bateas ao norte do Grove, observando especies como garza real, corvo mariño cristado, pilro tridáctilo, gaivotón e carrán cristado, entre outros. Xa na boca da ría aparecerían os primeiros furabuchos baleares e mascatos. Arredor das 12:00 chegamos ao embarcadoiro da illa de Sálvora, sendo recibidos por Roberto, o guía e vixilante desta illa do Parque Nacional. Na súa compañía fomos percorrendo a cara leste de Sálvora, ata chegar á aldea abandonada. Houbo observacións de aves como papuxa cabecinegra, do mato e das amoras, verderolo común, merlo, azulenta e incluso de dous azores, dous miñatos e nada menos que unha tartaraña das xunqueiras. Tamén se anotaron réptiles e varias especies de bolboretas.

Arredor das 14:30 partimos cara a canle norte de Sálvora e dirixímonos cara ao punto de chum das 6 millas ao W da punta Couso, onde o aceite atraiu cinco paíños pequenos, celebrados por toda a pasaxe. Ao chum conxelado entrou unha palleira grande, pardela escura e incluso carráns cristados.
No regreso veríamos máis pardelas e multitude de gaivotas, ademais de dous golfiños comúns
Xa na ría, navegamos cara a illa de Rúa gozando de grupos de furabuchos baleares e corvos mariños cristados, con algunhas gaivotas cabecinegras pousadas na auga, rematando a xornada cos saltos de arroaces preto do porto do Grove.

Eis aquí a táboa de resultados. En negriña, observacións destacadas. En cursiva, cifras aproximadas:


Nome científico
Nome galego
TOTAL
Notas
Melanitta nigra
Pentumeiro
2
Macho e femia
Hydrobates pelagicus
Paíño pequeno
6

Puffinus griseus
Pardela escura
7

Puffinus puffinus
Furabuchos atlántico
1
Desgastado
Puffinus mauretanicus
Furabuchos balear
88
1 morta, enmallada
Morus bassanus
Mascato
26
1 morto, aboiando
Phalacrocorax carbo
Corvo mariño grande
3

Phalacrocorax aristotelis
Corvo mariño cristado
425

Egretta garzetta
Garzota
1

Ardea cinerea
Garza real
5

Circus aeruginosus
Tartaraña das xunqueiras
1
Xuvenil/femia en Sálvora
Accipiter gentilis
Azor
2
Macho e femia (Sálvora)
Buteo buteo
Miñato
2
En Sálvora
Haematopus ostralegus
Gabita
1

Charadrius hiaticula
Píllara real
23
En Sálvora
Calidris canutus
Pilro groso
1
En Sálvora
Calidris alba
Pilro tridáctilo
50
En Sálvora e na ría
Calidris alpina
Pilro común
1

Actitis hypoleucos
Bilurico das rochas
1

Arenaria interpres
Virapedras
7

Stercorarius skua
Palleira grande
1

Chroicocephalus ridibundus
Gaivota chorona
101

Larus melanocephalus
Gaivota cabecinegra
22

Larus fuscus
Gaivota escura
32

Larus michahellis
Gaivota patiamarela
1491
1 tipo L. m. atlantis
Larus marinus
Gaivotón
8
Todos adultos
Sterna sandvicensis
Carrán cristado
24

Motacilla flava
Lavandeira amarela
4
En Sálvora
Motacilla alba
Lavandeira branca
4
En Sálvora
Troglodytes troglodytes
Carriza
2
En Sálvora
Prunella modularis
Azulenta común
2
En Sálvora
Erithacus rubecula
Paporrubio
20
En Sálvora
Phoenicurus ochruros
Rabirrubio
2
En Sálvora
Oenanthe oenanthe
Pedreiro cincento
1
En Sálvora
Saxicola torquatus
Chasco común
4
En Sálvora
Turdus merula
Merlo común
6
En Sálvora
Sylvia undata
Papuxa do mato
1
En Sálvora
Sylvia melanocephala
Papuxa cabecinegra
2
En Sálvora
Sylvia communis
Papuxa común
1
En Sálvora
Sylvia atricapilla
Papuxa das amoras
10
En Sálvora
Carduelis chloris
Verderolo
10
En Sálvora
Carduelis cannabina
Liñaceiro
25
En Sálvora
Scolopacidae
Limícola non identificada
2

Delphinus delphis
Golfiño común
3

Tursiops truncatus
Arroaz
5

Podarcis bocagei
Lagartixa galega
4
En Sálvora
Timon lepidus
Lagarto arnal
2
En Sálvora
Pieris rapae
Branca da couve
2
En Sálvora
Pontia daplidice
Noiva
1
En Sálvora
Coenonympha pamphilus
Néspera
1
En Sálvora
Pararge aegeria
Maculada
3
En Sálvora
Vanessa atalanta
Bolboreta rei
1
En Sálvora
 
E tamén algunhas fotografías (PRONTO)