Seabirds Galicia cumpre 1 ano

Hoxe, 10 de setembro de 2012, Seabirds Galicia cumpre un ano da súa primeira andadura peláxica. Aquela foi unha saída non de todo satisfactoria, pola mar inesperadamente brava, que nos impediu sobrepasar o arquipélago de Sagres (información aquí). Con todo, as posteriores peláxicas realizáronse de xeito completo e satisfactorio ata finais de outubro, con algunha sorpresa (ver aquí). Tras un produtivo percorrido polo interior da ría de Arousa en decembro (clicar aquí), reanudáronse as peláxicas en febreiro, continuándose ata xuño. A mala mar impediu a realización de saídas peláxicas en xullo e agosto, ata que o pasado sábado 8 de setembro materializouse a primeira excursión da pasaxe posnupcial, con notable éxito (ver aquí).

Para conmemorar este aniversario, estase a elaborar un material especial, que confiamos estea listo xa para a saída do día 22 de setembro, por certo, xa completa.

Grazas a todos por confiar nesta plataforma.

Isidro, o patrón do "Chasula" [foto (c) Jesús Menéndez]

8 de setembro de 2012 - portáronse as Sabines

Hoxe, 8 de setembro de 2012, realizouse unha nova saída peláxica da plataforma Seabirds Galicia. Saíuse do porto do Grove de boa mañá a bordo do "Chasula", cunha incómoda néboa como benvida. O ánimo tanto da tripulación como dos 11 participantes mellorou conforme pasaban as horas, a medida que o ceo quedaba máis limpo e o barco íase achegando aos puntos establecidos mar afóra. O mar estaba en bo estado.

Eis aquí a lista de especies observadas (mellores observacións en negriña, números aproximados en cursiva):

AVES
Asubión (Anas penelope): 2. Primeiro rexistro para as peláxicas organizadas por Seabirds Galicia!
Lavanco (Anas platyrhynchos): 1.
Pardela cincenta (Calonectris diomedea): 23.
Pardela encapuchada (Puffinus gravis): 30.
Pardela escura (Puffinus griseus): 10.
Furabuchos balear (Puffinus mauretanicus): 11.
Furabuchos (Puffinus puffinus): 1.
Paíño de Wilson (Oceanites oceanicus): 1.
Paíño pequeno (Hydrobates pelagicus): 10.
Mascato (Morus bassanus): 44.
Corvo mariño cristado (Phalacrocorax aristotelis): 115.
Corvo mariño grande (Phalacrocorax carbo): 2.
Garza real (Ardea cinerea): 3.
Garzota (Egretta garzetta): 2.
Píllara real (Charadrius hiaticula): 1.
Pilro tridáctilo (Calidris alba): 5.
Virapedras (Arenaria interpres): 8.
Bilurico das rochas (Actitis hypoleucos): 2.
Palleira grande (Stercorarius skua): 6.
Palleira pomarina (Stercorarius pomarinus): 4.
Palleira parasita (Stercorarius parasiticus): 10.
Palleira rabilonga (Stercorarius longicaudus): 1, distante, vista só por dous observadores. Segunda cita para as peláxicas organizadas por Seabirds Galicia.
Gaivota cabecinegra (Larus melanocephalus): 10.
Gaivota chorona (Larus ridibundus): 13.
Gaivota de Sabine (Xema sabini): 22+ (ao menos 47 contactos, con individuos "duplicados"), incluíndo adultos (plumaxe nupcial e non nupcial) e xuvenís. Segunda cita para Seabirds Galicia, e maior número de aves involucrado.
Gaivota patiamarela (Larus michahellis): 165.
Gaivota escura (Larus fuscus): 419.
Gaivotón (Larus marinus): 10.
Carrán cristado (Sterna sandvicensis): 28.
Carrán común (Sterna hirundo): 16.
Carrán ártico (Sterna paradisaea): 1. Segundo rexistro da especie nas viaxes peláxicas do "Chasula".
Gaivina negra (Chlidonias niger): 2. Primeira cita para Seabirds Galicia!
Andoriña (Hirundo rustica): 2.
Rabirrubio (Phoenicurus ochruros): 1.
Corvo pequeno (Corvus corone): 3.

MAMÍFEROS:
Arroaz (Tursiops truncatus): 1.
Golfiño (Delphinus delphis): 60.
Toniña (Phocoena phocoena): 3 individuos observados. Primeiro rexistro da especie para Seabirds Galicia.

PEIXES:
Peixe roda (Mola mola): 1.
Quenlla (Prionace glauca): 2.

E algunhas fotos:

O "Chasula", pola mañá cedo. (c) Jesús Menéndez.

Golfiños na néboa. (c) Manolo Carregal

Dous carráns comúns arredor do barco. (c) Manolo Carregal

O almorzo dos paíños: aceite de oliva con tripas de peixe. (c) Manolo Carregal

A primeira pardela encapuchada en escea. (c) Manolo Carregal

Pardela encapuchada. (c) Manolo Carregal

Fotografía en voo de pardela encapuchada (unha fermosa ave mariña, en verdade). (c) Manolo Carregal

Pardela escura. (c) Manolo Carregal

Gaivota de Sabine en muda lucíndose! (c) Jesús Menéndez

Gaivota de Sabine. (c) Jesús Menéndez

Dous adultos e un xuvenil (arriba á dereita) de gaivota de Sabine. (c) Manolo Carregal

Fermoso grupo de gaivotas de Sabine (diferentes estadíos de muda). (c) Manolo Carregal

Xuvenil de gaivota de Sabine. (c) Jesús Menéndez

O mesmo individuo, máis preto. (c) Manolo Carregal

Palleira parasita, morfo escuro. (c) Manolo Carregal

Palleira grande (arriba á esquerda), con gaivotas escuras. (c) Manolo Carregal

12 de agosto de 2012 - entrevista na Radio Galega!

Peláxicas para setembro e outubro 2012

As seguintes saídas peláxicas están xa programadas para setembro e outubro, aínda que dependerán finalmente das condicións do mar e do tempo:

- Sábado 22 de setembro (COMPLETA). Seabirds Galicia cumpre 1 ano e o mellor agasallo de aniversario sería un bo número de paíños, palleiras, carráns, pardelas e cetáceos. É unha boa época para ver pardelas encapuchadas (Puffinus gravis) e bos números de pardelas baleares (P. mauretanicus).

- Sábado 13 de outubro (9 prazas dispoñibles). Se se repiten as circunstancias e a pasaxe de hai un ano (ver aquí), poderíanse ver paíños de Wilson e pardelas encapuchadas.

Oceanodroma castro en outubro de 2011 (c) Xoán Diéguez.

16 xuño 2012 - a media saída - fotos

O sábado 16 de xuño tentamos realizar unha saída peláxica a bordo do 'Chasula', se ben o mar de fondo (ondas de 2,5 m, período de 8 s) fíxonos case imposible avanzar alén das 1,5 millas ao NW da illa de Sálvora. A pesar disto, logrouse avistar as primeiras pardelas cincentas (Calonectris diomedea) do 2012 para Seabirds Galicia e unha moi temperá pardela escura (Puffinus griseus), fotografada a pracer preto das illas Sagres. Tamén subliñar 3 arroaces (Tursiops truncatus) preto de Cambados e presenza estival de virapedras (Arenaria interpres), corvo mariño grande (Phalacrocorax carbo) e gaivota escura (Larus fuscus), estas últimas quizais individuos reprodutores do arquipélago de Sálvora.

Contabilizáronse 13 especies de aves e 1 mamífero mariño (ofrécense números mínimos, en cursiva cifras aproximadas, en negrita, avistamentos destacables):

Arenaria interpres

2

Calidris alpina	2
Calonectris diomedea	7
Corvus sp.	2
Larus fuscus	2
Larus michahellis	647
Morus bassanus	10
Passer domesticus	1
Phalacrocorax carbo	1
Phalacrocorax aristotelis	49
Puffinus griseus	1
Puffinus mauretanicus	35
Tursiops truncatus	3

Primeiro unha breve crónica:

          

Cosme Damián Romay, Atocha Ramos, Xoán Diéguez e Xosé Luis Fernández (c) Intramar, S. L. 16/06/2012

"Ás 8:10 h saímos do porto do Grove e avistamos na canle de Cambados arroaces (Tursiops truncatus) que non se exhibiron como en outras ocasións, mostrando un comportamento esquivo, e emprendemos ruta cara ao exterior da ría de Arousa. Como era de esperar, despois do forte vento do día anterior e do cambio de dirección deste, as ondas de curto periodo e que acadaban os 2,5 m viñan en todas as direccións. Apesares de todo largamos "chum" a 1,5 millas ao SW da illa de Sálvora ás 10:10 h, observando pardelas baleares (Puffinus mauretanicus), corvos mariños cristados (Phalacrocorax aristotelis), mascatos (Morus bassanus) e gaivotas patiamarelas (Larus michahellis). Dadas as condicións de incomodidade decidimos regresar ao interior da ría e, próximos ao illote de Noro, fóra das augas do parque nacional das Illas Atlánticas, largamos un pouco de engado, acudindo algunha pardela e gaivotas patiamarelas, que permitiron sacar algunhas fotos interesantes. Despois, xa restablecidos, voltamos ao exterior pola canle interior de Sálvora (excepcionalmente fermosa e chea de lendas para relatar). Ás 12:00 h, e a 1,5 millas das augas do parque nacional, ao NW de Sálvora, e coa mar bastante máis tranquila, largamos o "chum" que nos quedaba, acudindo pardelas baleares e cincentas (Calonectris diomedea) e unha pardela escura (Puffinus griseus). De novo na ría, ao pé do illote de Noro, demos boa conta das navallas e cachelos (patacas proporcionadas por Martín "Peixe", cultivadas por este de xeito ecolóxico; excepcionais polo seu sabor e textura), así como duns pataguillóns (sardiñas en lata), despois do cales regresamos a porto ás 15:00 h".

E unhas fotos, todas (c) Xosé Luis Fernández Carnero, agás a derradeira, que é (c) C. D. Romay Cousido:

Pardela balear (Puffinus mauretanicus) (c) X. L. Fernández Carnero

Gaivota patiamarela (Larus michahellis) no chum (c) X. L. Fernández Carnero

Gaivota patiamarela (c) X. L. Fernández Carnero

Mascato (Morus bassanus) inmaturo (c) X. L. Fernández Carnero

Pardela escura (Puffinus griseus) (c) X. L. Fernández Carnero

Pardela escura levantando voo (c) X. L. Fernández Carnero

Pardela escura (esquerda) con gaivotas patiamarelas (c) X. L. Fernández Carnero

Pardela escura no medio de gaivotas patiamarelas (c) X. L. Fernández Carnero

Observadores a bordo do "Chasula"; ao fondo, Sálvora (c) C. D. Romay Cousido

12 maio 2012 - algunhas fotos

Hydrobates pelagicus, canón de Arousa, 12/5/2012 (c) X. L. Fernández Carnero

Hydrobates pelagicus, canón de Arousa, 12/5/2012 (c) X. L. Fernández Carnero

Stercorarius skua, canón de Arousa, 12/5/2012 (c) X. L. Fernández Carnero

Máis fotos e un resumo completo da saída proximamente.

Seabirds Galicia na TVG!