"Aves e mamíferos mariños no SW de Galiza, todo o ano. Unha experiencia didáctica e emocionante ao mellor prezo!"

Mostrar mensagens com a etiqueta setembro. Mostrar todas as mensagens
Mostrar mensagens com a etiqueta setembro. Mostrar todas as mensagens

segunda-feira, 10 de setembro de 2012

Seabirds Galicia cumpre 1 ano

Hoxe, 10 de setembro de 2012, Seabirds Galicia cumpre un ano da súa primeira andadura peláxica. Aquela foi unha saída non de todo satisfactoria, pola mar inesperadamente brava, que nos impediu sobrepasar o arquipélago de Sagres (información aquí). Con todo, as posteriores peláxicas realizáronse de xeito completo e satisfactorio ata finais de outubro, con algunha sorpresa (ver aquí). Tras un produtivo percorrido polo interior da ría de Arousa en decembro (clicar aquí), reanudáronse as peláxicas en febreiro, continuándose ata xuño. A mala mar impediu a realización de saídas peláxicas en xullo e agosto, ata que o pasado sábado 8 de setembro materializouse a primeira excursión da pasaxe posnupcial, con notable éxito (ver aquí).

Para conmemorar este aniversario, estase a elaborar un material especial, que confiamos estea listo xa para a saída do día 22 de setembro, por certo, xa completa.

Grazas a todos por confiar nesta plataforma.

Isidro, o patrón do "Chasula" [foto (c) Jesús Menéndez]

sábado, 8 de setembro de 2012

8 de setembro de 2012 - portáronse as Sabines

Hoxe, 8 de setembro de 2012, realizouse unha nova saída peláxica da plataforma Seabirds Galicia. Saíuse do porto do Grove de boa mañá a bordo do "Chasula", cunha incómoda néboa como benvida. O ánimo tanto da tripulación como dos 11 participantes mellorou conforme pasaban as horas, a medida que o ceo quedaba máis limpo e o barco íase achegando aos puntos establecidos mar afóra. O mar estaba en bo estado.

Eis aquí a lista de especies observadas (mellores observacións en negriña, números aproximados en cursiva):

AVES
Asubión (Anas penelope): 2. Primeiro rexistro para as peláxicas organizadas por Seabirds Galicia!
Lavanco (Anas platyrhynchos): 1.
Pardela cincenta (Calonectris diomedea): 23.
Pardela encapuchada (Puffinus gravis): 30.
Pardela escura (Puffinus griseus): 10.
Furabuchos balear (Puffinus mauretanicus): 11.
Furabuchos (Puffinus puffinus): 1.
Paíño de Wilson (Oceanites oceanicus): 1.
Paíño pequeno (Hydrobates pelagicus): 10.
Mascato (Morus bassanus): 44.
Corvo mariño cristado (Phalacrocorax aristotelis): 115.
Corvo mariño grande (Phalacrocorax carbo): 2.
Garza real (Ardea cinerea): 3.
Garzota (Egretta garzetta): 2.
Píllara real (Charadrius hiaticula): 1.
Pilro tridáctilo (Calidris alba): 5.
Virapedras (Arenaria interpres): 8.
Bilurico das rochas (Actitis hypoleucos): 2.
Palleira grande (Stercorarius skua): 6.
Palleira pomarina (Stercorarius pomarinus): 4.
Palleira parasita (Stercorarius parasiticus): 10.
Palleira rabilonga (Stercorarius longicaudus): 1, distante, vista só por dous observadores. Segunda cita para as peláxicas organizadas por Seabirds Galicia.
Gaivota cabecinegra (Larus melanocephalus): 10.
Gaivota chorona (Larus ridibundus): 13.
Gaivota de Sabine (Xema sabini): 22+ (ao menos 47 contactos, con individuos "duplicados"), incluíndo adultos (plumaxe nupcial e non nupcial) e xuvenís. Segunda cita para Seabirds Galicia, e maior número de aves involucrado.
Gaivota patiamarela (Larus michahellis): 165.
Gaivota escura (Larus fuscus): 419.
Gaivotón (Larus marinus): 10.
Carrán cristado (Sterna sandvicensis): 28.
Carrán común (Sterna hirundo): 16.
Carrán ártico (Sterna paradisaea): 1. Segundo rexistro da especie nas viaxes peláxicas do "Chasula".
Gaivina negra (Chlidonias niger): 2. Primeira cita para Seabirds Galicia!
Andoriña (Hirundo rustica): 2.
Rabirrubio (Phoenicurus ochruros): 1.
Corvo pequeno (Corvus corone): 3.

MAMÍFEROS:
Arroaz (Tursiops truncatus): 1.
Golfiño (Delphinus delphis): 60.
Toniña (Phocoena phocoena): 3 individuos observados. Primeiro rexistro da especie para Seabirds Galicia.

PEIXES:
Peixe roda (Mola mola): 1.
Quenlla (Prionace glauca): 2.

E algunhas fotos:
O "Chasula", pola mañá cedo. (c) Jesús Menéndez.

Golfiños na néboa. (c) Manolo Carregal

Dous carráns comúns arredor do barco. (c) Manolo Carregal

O almorzo dos paíños: aceite de oliva con tripas de peixe. (c) Manolo Carregal

A primeira pardela encapuchada en escea. (c) Manolo Carregal

Pardela encapuchada. (c) Manolo Carregal

Fotografía en voo de pardela encapuchada (unha fermosa ave mariña, en verdade). (c) Manolo Carregal

Pardela escura. (c) Manolo Carregal

Gaivota de Sabine en muda lucíndose! (c) Jesús Menéndez

Gaivota de Sabine. (c) Jesús Menéndez

Dous adultos e un xuvenil (arriba á dereita) de gaivota de Sabine. (c) Manolo Carregal

Fermoso grupo de gaivotas de Sabine (diferentes estadíos de muda). (c) Manolo Carregal

Xuvenil de gaivota de Sabine. (c) Jesús Menéndez

O mesmo individuo, máis preto. (c) Manolo Carregal

Palleira parasita, morfo escuro. (c) Manolo Carregal

Palleira grande (arriba á esquerda), con gaivotas escuras. (c) Manolo Carregal

segunda-feira, 2 de julho de 2012

Peláxicas para setembro e outubro 2012

As seguintes saídas peláxicas están xa programadas para setembro e outubro, aínda que dependerán finalmente das condicións do mar e do tempo:

- Sábado 22 de setembro (COMPLETA). Seabirds Galicia cumpre 1 ano e o mellor agasallo de aniversario sería un bo número de paíños, palleiras, carráns, pardelas e cetáceos. É unha boa época para ver pardelas encapuchadas (Puffinus gravis) e bos números de pardelas baleares (P. mauretanicus).

- Sábado 13 de outubro (9 prazas dispoñibles). Se se repiten as circunstancias e a pasaxe de hai un ano (ver aquí), poderíanse ver paíños de Wilson e pardelas encapuchadas.

Oceanodroma castro en outubro de 2011 (c) Xoán Diéguez.

sábado, 10 de setembro de 2011

Sen sorte desta volta

Hoxe, 10 de setembro de 2011, foi realizada a primeira viaxe ornitolóxica do 'Chasula'. 14 persoas (12 participantes máis patrón e mariñeiro) comezamos no porto do Grove ás 7:30 h, avanzando ao W cara ao arquipélago de Sálvora. Na área de Sagres (preto de Aguiño), as ondas e o vento (máis forte do que indicaba a a previsión) eran moi fortes como para ir alén desas illas. O patrón decidiu ir ao longo da costa E da illa de Sálvora, onde se botou o "chum" (tripas de peixes, conxeladas) antes de volver ao porto do Grove en torno a 12:30 h.
Foi unha volta triste, xa que queriamos visitar de tres puntos mar afóra (8-12 millas de Sálvora). Quizais noutra viaxe.
Lista de especies rexistradas, incluíndo ás aves atendendo o chum e vist
as durante a viaxe ao longo da costa S da ría. As especies máis salientables están destacadas en negrita:

- Pardela escura (Puffinus griseus): 3 (chum) + 1 (viaxe)

- Pardela cincenta (Calonectris diomedea): 6 (chum) + 4 (viaxe)

- Furabuchos balear (Puffinus mauretanicus): 10 (chum) + 10 (viaxe)  

- Furabuchos atlántico (Puffinus puffinus): 1 (chum)
- Paíño (Hydrobatidae): 1 (viaxe)
- Mascato (Morus bassanus): 3 (chum) + 30 (viaxe)  
- Corvo mariño cristado (Phalacrocorax aristotelis): 150 (viaxe)  
- Gabita (Haematopus ostralegus): 2 (viaxe)
- Pilro tridáctilo (Calidris alba): 1 (viaxe)
- Pilro común (Calidris alpina): 3 (viaxe)
- Virapedras (Arenaria interpres): 1 (viaxe) 
- Gaivota escura (Larus fuscus): 50 (chum) + 30 (viaxe)  
- Gaivota patiamarela (Larus michahellis): 100 (chum) + 250 (viaxe) 
- Gaivota chorona (Larus ridibundus): 10 (viaxe) 
- Carrán común (Sterna hirundo): 6 (chum) + 3 (viaxe)  
- Carrán cristado (Sterna sandvicensis): 2 (viaxe) 

Algunhas fotos da saída:





Puffinus griseus (c) Xosé L. Fernández Carnero

Puffinus griseus (c) Xoán Diéguez Vázquez

Puffinus mauretanicus (c) Xosé L. Fernández Carnero


Puffinus mauretanicus (c) Xoán Diéguez Vázquez



Calonectris diomedea (c) Xosé L. Fernández Carnero

Calonectris diomedea (c) Xoán Diéguez Vázquez


Morus bassanus (c) Xosé L. Fernández Carnero

Morus bassanus (c) Xoán Diéguez Vázquez


Phalacrocorax aristotelis (c) Xosé L. Fernández Carnero

Phalacrocorax aristotelis (c) Xoán Diéguez Vázquez


Arenaria interpres (c) Xosé L. Fernández Carnero


Calidris alba (c) Xosé L. Fernández Carnero

Calidris alpina (c) Xoán Diéguez Vázquez


Larus fuscus (c) Xoán Diéguez Vázquez

quinta-feira, 8 de setembro de 2011

Primeira viaxe peláxica - 10 Set 2011


O 'Chasula' (tomado de chasulapesca.blogspot.com)
Con este post, presentamos a nosa primeira viaxe peláxica desde O Grove (SW Galicia). Está programado para o 10 de setembro de 2011, e será realizado a bordo da tarrafa 'Chasula' (14 m eslora, 3.5 m manga). Esta é a primeira viaxe de observación de aves mariñas do 'Chasula', e tentaremos observar aves peláxicas interesantes ao W e SW das illas de Sálvora e Ons, acadando as 12 millas náuticas mar afóra.

Ruta provisional do 'Chasula' (10 Set 2011) (Google Maps)
As especies obxectivo serán a gaivota de Sabine (Larus sabini), paíño de Wilson (Oceanites oceanicus) e pardela encapuchada (Puffinus gravis). É moi probable que as pardelas balear (P. mauretanicus) e cincenta (Calonectris diomedea) e o furabuchos (P. puffinus) sexan vistos durante a maior parte da viaxe. Tamén poderán ser avistados golfiños e incluso baleas.

Empregarase "chum" conxelado para atraer ás aves preto do barco.

Esta viaxe está case completa (o "Chasula" ten unha capacidade máxima de 12 persoas, ademais da tripulación). Estamos xa planificando outra viaxe peláxica antes de mediados de outubro.

Máis información:





Bo paxareo!