03 e 04/09/2013: unha saída arredor do Parque Nacional das Illas Atlánticas de Galicia

O martes 3 de setembro de 2013 pola mañá, partimos do porto do Grove no "Chasula" un reducido grupo de persoas para coñecer de preto o Parque Nacional das Illas Atlánticas de Galicia. A actividade foi subvencionada pola Consellería de Medio Ambiente, Territorio e Infraestruturas da Xunta de Galicia e contou co apoio e as facilidades do persoal do propio Parque Nacional, que guiaron a ruta na illa de Monteagudo (Cíes). A empresa Intramar, S. L. (receptora da subvención), así como SEO/BirdLife e o Grupo Naturalista Hábitat, tomaron parte tamén da actividade.

Inicialmente, realizamos unha travesía matinal pola ría de Arousa e aproximámonos ao arquipélago de Sálvora (Parque Nacional das Illas Atlánticas). Observamos varias especies de aves mariñas, cetáceos e grandes peixes nos arredores destas illas a media que nos iamos afastando de costa, obtendo interesantes avistamentos.

Seguidamente trazamos unha diagonal para pasar preto do sueste da illa de Onza, no arquipélago de Ons, e navegar pola tarde fronte ás caras oeste e sur das illas Cíes, finalizando a ruta na praia de Rodas, entre as illas do Faro e Monteagudo. Pasouse a noite no barco.

O mércores 4 pola mañá, e guiados por Beatriz Gamallo, efectuamos unha ruta dende o centro de información na praia de Rodas cara ao norte ata o faro do Peito, cunha segunda ruta ata o alto do Príncipe, onde obtivemos interesantes observacións de aves. Tras regresar ao "Chasula", navegamos ao norte pola cara nordeste das Cíes e este do arquipélago de Ons, para de novo entrar na ría de Arousa, gozando de múltiples observacións de aves.

Detállanse, seguidamente, as observacións obtidas nos dous días (en grosa, avistamentos destacados, en cursiva, cifras aproximadas):

Primeira xornada:

03/09/2013 (ruta marítima O Grove-Sálvora-mar aberto-Ons-Cíes)		TOTAL
Podiceps cristatus	Mergullón cristado	1
Calonectris diomedea	Pardela cincenta	3
Puffinus mauretanicus	Furabuchos balear	27
Puffinus puffinus	Furabuchos atlántico	2
Hydrobates pelagicus	Paíño pequeno	7
Oceanites oceanicus	Paíño de Wilson	2
Morus bassanus	Mascato	111
Phalacrocorax carbo	Corvo mariño grande	15
Phalacrocorax aristotelis	Corvo mariño cristado	188
Egretta garzetta	Garzota	2
Arenaria interpres	Virapedras	3
Stercorarius skua	Palleira grande	7
Stercorarius parasiticus	Palleira parasita	8
Chroicocephalus ridibundus	Gaivota chorona	1
Larus melanocephalus	Gaivota cabecinegra	3
Larus michahellis	Gaivota patiamarela	1526
Larus fuscus	Gaivota escura	260
Larus marinus	Gaivotón	3
Xema sabini	Gaivota de Sabine	5
Sterna sandvicensis	Carrán cristado	8
Delphinus delphis	Golfiño común	74
Mola mola	Peixe roda	3
Prionace glauca	Quenlla	18

 

Segunda xornada:

04/09/2013 (ruta terrestre en Cíes e ruta marítima Cíes-Ons-O Grove)		TOTAL
Calonectris diomedea	Pardela cincenta	1
Puffinus mauretanicus	Furabuchos balear	9
Morus bassanus	Mascato	22
Phalacrocorax carbo	Corvo mariño grande	2
Phalacrocorax aristotelis	Corvo mariño cristado	37
Buteo buteo	Miñato	1
Larus melanocephalus	Gaivota cabecinegra	5
Larus michahellis	Gaivota patiamarela	420
Sterna sandvicensis	Carrán cristado	2
Columba palumbus	Pombo	2
Dendrocopos major	Peto real	4
Picus viridis	Peto verdeal	1
Troglodytes troglodytes	Carriza	9
Phoenicurus ochruros	Rabirrubio	3
Erithacus rubecula	Paporrubio	15
Saxicola rubicola	Chasco común	1
Turdus merula	Merlo	2
Sylvia undata	Papuxa do mato	1
Sylvia melanocephala	Papuxa cabecinegra	4
Sylvia atricapilla	Papuxa das amoras	3
Phylloscopus trochilus	Picafollas musical	3
Aegithalos caudatus	Ferreiriño rabilongo	4
Certhia brachydactyla	Gabeador	2
Parus major	Ferreiriño real	6
Periparus ater	Ferreiriño negro	10
Ficedula hypoleuca	Papamoscas negro	36
Serinus serinus	Xirín	1
Fringilla coelebs	Pimpín	2
Carduelis cannabina	Liñaceiro	1
Carduelis chloris	Verderolo	12
Pyrrhula pyrrhula	Cardeal	5

 

Patrocinador e colaboradores: