08/09/2013: máis Sabines, Wilsons e cetáceos!

Moi cedo pola mañá, partimos do porto do Grove coa esperanza de completar unha peláxica que se anunciaba algo movida, dacordo co parte do vento. O patrón decidiu navegar cara a metade norte da ría, preto dos Guidoiros e da illa de Rúa, para así lograr o abrigo do vento do norte fornecido pola serra do Barbanza. Observamos numerosas limícolas e incluso un falcón peregrino tentando un ataque a estas. Uns poucos arroaces e tamén os primeiros furabuchos baleares apareceron ante os nosos prismáticos antes de acadar a pasaxe de Sagres. O mar de seguido aumentou en altura se ben con ondas moi acompasadas que fixeron razoablemente cómoda a ruta. Nas primeiras millas gozamos coa compañía (literal) de grupiños de golfiños comúns que brincaban e nadaban preto do barco a medida que avanzabamos na nosa ruta. As gaivotas escuras, furabuchos baleares e as omnipresentes gaivotas patiamarelas foron tamén protagonistas ata o primeiro "chum", a 7 millas náuticas da costa, ao cal acudiron palleiras parasitas e grandes e unha curiosa pardela cincenta. No traxecto ata as 12 millas foron albiscadas por algúns dos pasaxeiros dúas toniñas que desapareceron deseguido á vista. O chum a 12 millas foi moi produtivo, con dezaseis gaivotas de Sabine, dous paíños de Wilson, un paíño pequeno e outras moitas aves mariñas, que fixeron as delicias dos alí presentes. O regreso a porto foi rápido unha vez que o vento aumentou en intensidade, observando polo camiño unha pardela escura e moitísimos golfiños comúns. Chegamos a porto arredor das 16:00 h, algo cansos pero contentos.

Eis aquí a lista de observacións. En grosa, observacións máis destacadas. En cursiva, cifras aproximadas:

Nome científico	Nome galego	TOTAL
Melanitta nigra	Pentumeiro	2
Calonectris diomedea	Pardela cincenta	2
Puffinus mauretanicus	Furabuchos balear	15
Puffinus griseus	Pardela escura	1
Hydrobates pelagicus	Paíño pequeno	1
*Oceanites oceanicus*	Paíño de Wilson	2
Morus bassanus	Mascato	110
Phalacrocorax carbo	Corvo mariño grande	12
Phalacrocorax aristotelis	Corvo mariño cristado	103
Egretta garzetta	Garzota	1
Falco peregrinus	Falcón peregrino	1
Ardea cinerea	Garza real	2
Haematopus ostralegus	Gabita	3
Charadrius hiaticula	Píllara real	3
Arenaria interpres	Virapedras	7
Stercorarius skua	Palleira grande	3
Stercorarius parasiticus	Palleira parasita	5
Chroicocephalus ridibundus	Gaivota chorona	2
Larus melanocephalus	Gaivota cabecinegra	5
Larus michahellis	Gaivota patiamarela	*1041*
Larus fuscus	Gaivota escura	*129*
Larus marinus	Gaivotón	6
*Xema sabini*	Gaivota de Sabine	16
Sterna sandvicensis	Carrán cristado	3
Calidris sp.	Pilro indeterminado	40
Numenius sp.	Mazarico indeterminado	7
Sterna sp.	Carrán indeterminado	2
*Delphinus delphis*	Golfiño común	150
*Phocoena phocoena*	Toniña	2
Tursiops truncatus	Arroaz	4

E algunhas fotos, (c) José Luis Lorenzo García "Colón" e Xoán Diéguez Vázquez:

Gaivotas de Sabine (Xema sabini), 12 mn ao W da illa de Sálvora (SW Galicia), 8/9/2013, (c) J. L. Lorenzo García.

Gaivota de Sabine (Xema sabini), 12 mn ao W da illa de Sálvora (SW Galicia), 8/9/2013, (c) J. L. Lorenzo García.

Gaivota de Sabine (Xema sabini), 12 mn ao W da illa de Sálvora (SW Galicia), 8/9/2013, (c) Xoán Diéguez Vázquez.

Palleira grande (Stercorarius skua), 12 mn ao W da illa de Sálvora (SW Galicia), 8/9/2013, (c) Xoán Diéguez Vázquez.

Palleira parasita (Stercorarius parasiticus), morfo escuro, 12 mn ao W da illa de Sálvora (SW Galicia), 8/9/2013, (c) Xoán Diéguez Vázquez.

Palleira parasita (Stercorarius parasiticus), morfo claro, seguindo unha gaivota escura (Larus fuscus), 12 mn ao W da illa de Sálvora (SW Galicia), 8/9/2013, (c) J. L. Lorenzo García.

Palleira parasita (Stercorarius parasiticus), morfo claro, fustrigando unha gaivota escura (Larus fuscus), 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleira parasita (Stercorarius parasiticus), morfo claro, 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleira parasita (Stercorarius parasiticus), morfo claro (esquerda), e morfo escuro (dereita), 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleira parasita (Stercorarius parasiticus), morfo escuro, 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleira parasita (Stercorarius parasiticus), morfo intermedio, 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleira parasita (Stercorarius parasiticus), morfo escuro/intermedio, 12 mn ao W da illa de Sálvora (SW Galicia), 8/9/2013, (c) J. L. Lorenzo García

Palleiras parasitas (Stercorarius parasiticus) e gaivota escura (Larus fuscus) (diante), 12 mn ao W da illa de Sálvora (SW Galicia), 8/9/2013, (c) J. L. Lorenzo García

Mascato (Morus bassanus), inmaturo, 12 mn ao W da illa de Sálvora (SW Galicia), 8/9/2013, (c) J. L. Lorenzo García

Mascato (Morus bassanus), inmaturo, 12 mn ao W da illa de Sálvora (SW Galicia), 8/9/2013, (c) Xoán Diéguez Vázquez.

Paíño pequeno (Hydrobates pelagicus) (esquerda) e paíño de Wilson (Oceanites oceanicus) (dereita), 12 mn ao W da illa de Sálvora (SW Galicia), 8/9/2013, (c) J. L. Lorenzo García