"Aves e mamíferos mariños no SW de Galiza, todo o ano. Unha experiencia didáctica e emocionante ao mellor prezo!"

sábado, 9 de março de 2013

02/03/2013. Primeira saída do ano: interior da Ría de Arousa


O sábado día 2 de marzo, ás 8:30 h, partimos do porto do Grove un grupo de afeccionados ás aves dispostos a gozar dun paseo en barco polo interior da ría de Arousa. A data era algo tardía para a invernada dalgunhas aves acuáticas (por exemplo, para a maior parte dos patos de superficie), pero había posibilidades de observar especies de interese, como mergos cristados, mergullóns de pescozo negro, mobellas grandes e mesmo álcidos. E a xornada non defraudou! Inmediatamente despois de saír de porto observamos os primeiros arroaces e gaivotas canas, ademais dun bo número de carráns cristados, gaivotas cabecinegras e escuras e, xa máis preto da ponte da Illa de Arousa, carolo e gaivotón. Os primeiros pentumeiros aparecerían na praia do Vao, na Illa de Arousa, mentres que a pasaxe xunto ás praias das Cunchas e O Porrón desvelaron tres lonxanos mergos cristados e outro grupiño de arroaces. A enseada de Rianxo foi así mesmo produtiva, con bos número de mergullóns de pescozo negro (case todos lucindo a súa elegante plumaxe nupcial), pentumeiros e mesmo unha temperá andoriña común. A ruta cara á illa de Rúa tivo varios momentos álxidos, coa observación de dúas mobellas grandes moi tranquilas e nada menos que oito araos comúns. O regreso dende Rúa ao Grove, pasando polo illote do Galiñeiro, deparou tres palleiras grandes así como máis individuos dalgunhas especies vistas noutros puntos da ruta.

A continuación, detállanse as especies observadas cos números anotados durante toda a viaxe. En grosa, observacións destacadas. En cursiva, cifras aproximadas:

Nome galego
Nome científico
Total
Pentumeiro
Melanitta nigra
94
Mergo cristado
Mergus serrator
3
Mobella grande
Gavia immer
3
Mergullón de pescozo negro
Podiceps nigricollis
60
Corvo mariño grande
Phalacrocorax carbo
191
Corvo mariño cristado
Phalacrocorax aristotelis
49
Mascato
Morus bassanus
2
Garza real
Ardea cinerea
2
Garzota
Egretta garzetta
15
Miñato
Buteo buteo
3
Gavita
Haematopus ostralegus
10
Píllara cincenta
Pluvialis squatarola
1
Píllara real
Charadrius hiaticula
120
Píllara das dunas
Charadrius alexandrinus
2
Pilro tridáctilo
Calidris alba
61
Pilro común
Calidris alpina
4
Mazarico real
Numenius arquata
8
Virapedras
Arenaria interpres
18
Palleira grande
Stercorarius skua
3
Gaivota chorona
Chroicocephalus ridibundus
294
Gaivota cabecinegra
Larus melanocephalus
18
Gaivota cana
Larus canus
3
Gaivota patiamarela
Larus michahellis
569
Gaivota escura
Larus fuscus
95
Gaivotón
Larus marinus
9
Carrán cristado
Sterna sandvicenis
17
Carolo
Alca torda
4
Arao común
Uria aalge
8
Pombo
Columba palumbus
1
Anduriña
Hirundo rustica
1
Corvo pequeno
Corvus corone
3
Arroaz
Tursiops truncatus
15




Gaivota escura (Larus fuscus), 02/03/2013 (c) Juan Gómez Escariz

Gaivota chorona (Chroicocephalus ridibundus), 02/03/2013 (c) Juan Gómez Escariz
Corvo mariño cristado (Phalacrocorax aristotelis) (esq.) e gaivotón (Larus marinus), 02/03/2013 (c) Xoán Diéguez Vázquez

Pentumeiro (Melanitta nigra), 02/03/2013 (c) Juan Gómez Escariz
Pentumeiro (Melanitta nigra), 02/03/2013 (c) Juan Gómez Escariz

Mergullón de pescozo negro (Podiceps nigricollis), 02/03/2013 (c) Juan Gómez Escariz
Mergullón de pescozo negro (Podiceps nigricollis), 02/03/2013 (c) Xoán Diéguez Vázquez
Mergullón de pescozo negro (Podiceps nigricollis), 02/03/2013 (c) Juan Gómez Escariz
Carolo (Alca torda), 02/03/2013 (c) Juan Gómez Escariz
Carolo (Alca torda), 02/03/2013 (c) Juan Gómez Escariz
Arao común (Uria aalge), 02/03/2013 (c) Xoán Diéguez Vázquez
Arao común (Uria aalge), 02/03/2013 (c) Juan Gómez Escariz

Arao común (Uria aalge), 02/03/2013 (c) Xoán Diéguez Vázquez
Arao común (Uria aalge), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Xoán Diéguez Vázquez
Mobella grande (Gavia immer), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Xoán Diéguez Vázquez

terça-feira, 5 de fevereiro de 2013

Saídas previstas para o 2013


Voltamos a subir o programa cunhas pequenas correccións nas tarifas e a velocidade máxima do vento para realizar a saída( 16 nos)
Incluimos tamén a posibilidade de realizar saídas ornitolóxicas polo Complexo Ons- O grove ou polo Parque Natural do Complexo dunar de Corrubedo e as lagoas de Carregal e Vixán.
 Así mesmo lembrar que que o prezo para a saída polo interior da Ría é de 55 € por persoa, ou 45 € para os socios do Grupo Naturalista Hábitat.


Programa de saídas para 2013
SEABIRDS GALICIA

Data+”comodín” Nome da ruta Descrición/especies obxectivo

 23/2/2013
Interior da ría de Arousa Roteiro dentro da ría de Arousa; Mergus serrator, Gavia immer, Alca torda
02/3/2013


23/3/2013
30/3/2013

Peláxica dos araos

Fratercula arctica, Uria aalge, Alca torda, Stercorarius skua



11/5/2013
Peláxica prenupcial
“Pico” da migración: Stercorarius skua,
S. parasiticus, Hydrobates pelagicus
18/5/2013

08/6/2013
Peláxica das pardelas Calonectris diomedea, Puffinus mauretanicus
15/6/2013

20/7/2013
27/7/2013
Peláxica dos paíños Oceanites oceanicus, Hydrobates pelagicus
3/8/2013 Peláxica dos carráns Sterna hirundo, S. paradisaea, Sternula albifrons, Chlidonias niger, Oceanites oceanicus
17/8/2013 Peláxica das palleiras
Stercorarius parasiticus, S. skua,
S. longicaudus, Oceanites oceanicus
7/9/2013 Peláxica da Sabine Xema sabini, Oceanites oceanicus, Puffinus gravis, Stercorarius parasiticus
14/9/2013

21/9/2013
Peláxica da gran lista Maior diversidade de mariñas; Oceanites oceanicus, Xema sabini, Puffinus gravis
28/9/2013

12/10/2013
Peláxica “do marisco”
Festa do marisco; alta diversidade de aves mariñas
19/10/2013

16/11/2013
Peláxica tardía Larus minutus, Phalaropus fulicarius, Alca torda, Melanitta nigra
23/11/2013

14/12/2013
Baía da Lanzada Roteiro pola baía da Lanzada; Melanitta nigra, Gavia immer, G. arctica, Alca torda
21/12/2013

No caso de se cancelar a saída na data prevista (en negrita), automaticamente habilítase a data “comodín” (en cursiva), sen coste adicional para o pasaxeiro. De se cancelar tamén nesa nova data, anúlase definitivamente esa peláxica.


Novas tarifas 2013
SEABIRDS GALICIA


Tipo Concepto
Importe
Notas
“En quórum”
(12 ou 11 pasaxeiros)
Billete xeral
65 €
Inclúe almorzo e xantar lixeiro a bordo
Socios do Grupo Naturalista Hábitat
55 €
“Baixo quórum”
(10 ou 9 pasaxeiros)
Billete xeral
75 €
Comunicarase con antelación este importe aos pasaxeiros; inclúe almorzo e xantar lixeiro a bordo
Socios do Grupo Naturalista Hábitat
65 €






Interior da ría de Arousa
Baía da Lanzada
Billete xeral
Socios do Grupo Naturalista Hábitat
55 €

45 €
Inclúe almorzo e xantar lixeiro a bordo
“Baixo quórum”
(10 ou 9 pasaxeiros)
Billete xeral
Socios do Grupo Naturalista Hábitat
64 €
54 €
Comunicarase con antelación este importe aos pasaxeiros; inclúe almorzo e xantar lixeiro a bordo

Con 8 ou menos pasaxeiros, non se efectuará a saída, agás se satisfacen o importe mínimo dunha pasaxe completa:
- 675 € para as saídas peláxicas.
- 576 € para as saídas polo interior e exterior da Ría.

Condicións de reserva e cancelación 2013
SEABIRDS GALICIA

  • Os interesados en participar nunha saída solicitarana antes das 23:59 h do Domingo anterior á saída.
  • Os interesados poden reservar praza para unha ou máis persoas (consultar á organización) nunha ou máis datas das que se dispoñen, sen que se aplique tarifa algunha pola reserva.
  • Se ao comprobar as reservas o xoves anterior á saída non se chegase ao quórum (establecido nun mínimo de 9 persoas), a saída queda automaticamente cancelada para esa data, comunicándose esta incidencia aos apuntados e suxeríndose a realización da saída unha semana despois, na chamada data “comodín”. A única excepción é que as persoas (en número menor de 9) satisfagan o importe mínimo dunha pasaxe completa, establecido en 675 €.
  • Esta data “comodín” tamén se utilizará se se cancela a saída por avaría mecánica, ausencia do patrón e/ou mal tempo reinante no mar. Neste último caso, establécense uns baremos obxectivos para a cancelación das Peláxicas, baseados nas predicións meteorolóxicas a 48 h vista (prognósticos do xoves pola mañá):
    • Mar con ondas de 1´5 m ou máis e período menor ou igual de 10 ,
    • ou mar con ondas de1´5 a 3 m ou máis e período menor ou igual de 12
    • Vento de forza maior a 16 nós (Forza 4).
    • Choiva forte de máis de 5 l·m-2·h-1
  • No caso de non se poder realizar na data “comodín” cancélase a peláxica programada.
  • Nos meses de xullo e agosto non haberá data “comodín”.
  • Reservas a través do e-mail: seabirdsgalicia@gmail.com.
  • Dúbidas e cuestións (non reservas), tamén por teléfono: 690843488 (Isidro).

Novidade: para todos os participantes interesados
Estas rutas marinas pódense combinar con itinerarios terrestres por espacios naturales de gran valor ornitolóxico como o Complexo Ons-O Grove e o Parque Natural do complexo dunar de Corrubedo e lagoas de Carregal e Vixán. Estas saidas estarán guiadas por persoal do grupo local de SEO-Pontevedra e seran excursions de 3h ou 4h con un prezo por grupo de 150€ a 190€

Complexo Ons-O Grove
Billete xeral


12.5 €


Inclúe telescopios de gama alta, prismáticos, guias de campo,e os propios guias
Con 7 ou un número menor de participantes, non se efectuará a saída, agás se satisfagan o importe mínimo de (100 €).