08/06/2013: primeiros paíños de Wilson e grupo de arroaces botos

O sábado 8 de xuño partimos ás 8:00 da mañá do porto do Grove para realizar a primeira saída peláxica do ano. Na ría o mar e o ambiente ornitolóxico era calmado e só destacou un gaivotón inmaturo pousado nunha batea. Xa na bocana observamos as primeiras pardelas e mascatos, ante a espectación dos participantes, se ben ao "dobrar" Sálvora o mar anunciaba unha saída algo movida. Tras un primeiro "chum", anotamos os primeiros paíños, aumentando o seu número no segundo "chum" a 12 millas náuticas ao W de Ons cun grupo duns 50 paíños pequenos, aos que se sumarían máis posteriormente, totalizando 130. Tamén se viron carráns común e pardelas escuras. Na ruta veríamos os primeiros dous paíños de Wilson e, xa de regreso, un excelente grupo duns 40 arroaces botos, que fixeron as delicias dos participantes.

Eis aquí os resultados. Observacións destacadas en grosa; M: mamíferos:

Nome científico	Nome galego	Número	Notas
Calonectris diomedea	Pardela cincenta	9
Puffinus griseus	Pardela escura	2
Puffinus mauretanicus	Furabuchos balear	16	Cifra baixa
Oceanites oceanicus	Paíño de Wilson	2	No traxecto. Primeiros do ano
Hydrobates pelagicus	Paíño pequeno	130	En grupos (récord ata agora)
Morus bassanus	Mascato	127	Maioría adultos
Phalacrocorax aristotelis	Corvo mariño cristado	56	Cifra baixa
Stercorarius skua	Palleira grande	15	Número alto
Larus michahellis	Gaivota patiamarela	370	Maioría adultos, cifra aproximada
Larus fuscus	Gaivota escura	3	2 adultos, 1 subadulto
Larus marinus	Gaivotón	1	Subadulto
Sterna hirundo	Carrán común	11
Motacilla flava	Lavandeira amarela	1	En Pombeiro
Corvus corone	Corvo pequeno	1	Nunha batea
M: Grampus griseus	Arroaz boto	40	Con 3 crías!

Fotos (c) José Luis Fernández Carnero:

Mascato (Morus bassanus), 08/06/2013, mar adentro ao W de Ons, (c) J. L. Fernández Carnero

Mascato (Morus bassanus), 08/06/2013, mar adentro ao W de Ons, (c) J. L. Fernández Carnero

Paíño pequeno(Hydrobates pelagicus), 08/06/2013, mar adentro ao W de Ons, (c) J. L. Fernández Carnero

Paíño de Wilson (Oceanites oceanicus), 08/06/2013, mar adentro ao W de Ons, (c) J. L. Fernández Carnero

Pardela cincenta(Calonectris diomedea borealis), 08/06/2013, mar adentro ao W de Ons, (c) J. L. Fernández Carnero

Pardela escura (Puffinus griseus), 08/06/2013, mar adentro ao W de Ons, (c) J. L. Fernández Carnero

Pardela balear (Puffinus mauretanicus), 08/06/2013, mar adentro ao W de Ons, (c) J. L. Fernández Carnero

Palleira grande (Stercorarius skua), 08/06/2013, mar adentro ao W de Ons, (c) J. L. Fernández Carnero

Carrán común (Sterna hirundo), 08/06/2013, mar adentro ao W de Ons, (c) J. L. Fernández Carnero

Arroaz boto (Grampus griseus), 08/06/2013, mar adentro ao W de Ons, (c) J. L. Fernández Carnero

Arroaz boto (Grampus griseus), 08/06/2013, mar adentro ao W de Ons, (c) J. L. Fernández Carnero

Arroaz boto (Grampus griseus), 08/06/2013, mar adentro ao W de Ons, (c) J. L. Fernández Carnero

Nova saída peláxica - 8 de xuño

Tras as saídas canceladas de abril e maio, o sábado día 8 de xuño realizarase desde o porto do Grove a que esperemos sexa a primeira saída peláxica do ano, "a das pardelas". Se o mar e o tempo nos acompañan, teremos oportunidade de ver furabuchos baleares (Puffinus mauretanicus), pardelas cincentas (Calonectris diomedea), paíños pequenos (Hydrobates pelagicus) e con sorte algunha palleira grande (Stercorarius skua) e quizais o paíño de Wilson (Oceanites oceanicus).

A saída será ás 8:00 h da mañá e durará ata as 15:30 h.

O prezo da peláxica será de 65€ por persoa (55€ para os socios do Grupo Naturalista Hábitat), e inclúe un tentempé a bordo. Non hai recargo polo "chum" ou engado para as aves mariñas.

Pardela cincenta o 13.10.2012 por José Luis Lorenzo "Colón"

Apúntate en: seabirdsgalicia (arroba) gmail.com

02/03/2013. Primeira saída do ano: interior da Ría de Arousa

O sábado día 2 de marzo, ás 8:30 h, partimos do porto do Grove un grupo de afeccionados ás aves dispostos a gozar dun paseo en barco polo interior da ría de Arousa. A data era algo tardía para a invernada dalgunhas aves acuáticas (por exemplo, para a maior parte dos patos de superficie), pero había posibilidades de observar especies de interese, como mergos cristados, mergullóns de pescozo negro, mobellas grandes e mesmo álcidos. E a xornada non defraudou! Inmediatamente despois de saír de porto observamos os primeiros arroaces e gaivotas canas, ademais dun bo número de carráns cristados, gaivotas cabecinegras e escuras e, xa máis preto da ponte da Illa de Arousa, carolo e gaivotón. Os primeiros pentumeiros aparecerían na praia do Vao, na Illa de Arousa, mentres que a pasaxe xunto ás praias das Cunchas e O Porrón desvelaron tres lonxanos mergos cristados e outro grupiño de arroaces. A enseada de Rianxo foi así mesmo produtiva, con bos número de mergullóns de pescozo negro (case todos lucindo a súa elegante plumaxe nupcial), pentumeiros e mesmo unha temperá andoriña común. A ruta cara á illa de Rúa tivo varios momentos álxidos, coa observación de dúas mobellas grandes moi tranquilas e nada menos que oito araos comúns. O regreso dende Rúa ao Grove, pasando polo illote do Galiñeiro, deparou tres palleiras grandes así como máis individuos dalgunhas especies vistas noutros puntos da ruta.

A continuación, detállanse as especies observadas cos números anotados durante toda a viaxe. En grosa, observacións destacadas. En cursiva, cifras aproximadas:

Nome galego	Nome científico	Total
Pentumeiro	Melanitta nigra	94
Mergo cristado	Mergus serrator	3
Mobella grande	Gavia immer	3
Mergullón de pescozo negro	Podiceps nigricollis	60
Corvo mariño grande	Phalacrocorax carbo	191
Corvo mariño cristado	Phalacrocorax aristotelis	49
Mascato	Morus bassanus	2
Garza real	Ardea cinerea	2
Garzota	Egretta garzetta	15
Miñato	Buteo buteo	3
Gavita	Haematopus ostralegus	10
Píllara cincenta	Pluvialis squatarola	1
Píllara real	Charadrius hiaticula	120
Píllara das dunas	Charadrius alexandrinus	2
Pilro tridáctilo	Calidris alba	61
Pilro común	Calidris alpina	4
Mazarico real	Numenius arquata	8
Virapedras	Arenaria interpres	18
Palleira grande	Stercorarius skua	3
Gaivota chorona	Chroicocephalus ridibundus	294
Gaivota cabecinegra	Larus melanocephalus	18
Gaivota cana	Larus canus	3
Gaivota patiamarela	Larus michahellis	569
Gaivota escura	Larus fuscus	95
Gaivotón	Larus marinus	9
Carrán cristado	Sterna sandvicenis	17
Carolo	Alca torda	4
Arao común	Uria aalge	8
Pombo	Columba palumbus	1
Anduriña	Hirundo rustica	1
Corvo pequeno	Corvus corone	3
Arroaz	Tursiops truncatus	15

Gaivota escura (Larus fuscus), 02/03/2013 (c) Juan Gómez Escariz

Gaivota chorona (Chroicocephalus ridibundus), 02/03/2013 (c) Juan Gómez Escariz

Corvo mariño cristado (Phalacrocorax aristotelis) (esq.) e gaivotón (Larus marinus), 02/03/2013 (c) Xoán Diéguez Vázquez

Pentumeiro (Melanitta nigra), 02/03/2013 (c) Juan Gómez Escariz

Pentumeiro (Melanitta nigra), 02/03/2013 (c) Juan Gómez Escariz

Mergullón de pescozo negro (Podiceps nigricollis), 02/03/2013 (c) Juan Gómez Escariz

Mergullón de pescozo negro (Podiceps nigricollis), 02/03/2013 (c) Xoán Diéguez Vázquez

Mergullón de pescozo negro (Podiceps nigricollis), 02/03/2013 (c) Juan Gómez Escariz

Carolo (Alca torda), 02/03/2013 (c) Juan Gómez Escariz

Carolo (Alca torda), 02/03/2013 (c) Juan Gómez Escariz

Arao común (Uria aalge), 02/03/2013 (c) Xoán Diéguez Vázquez

Arao común (Uria aalge), 02/03/2013 (c) Juan Gómez Escariz

Arao común (Uria aalge), 02/03/2013 (c) Xoán Diéguez Vázquez

Arao común (Uria aalge), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Xoán Diéguez Vázquez

Mobella grande (Gavia immer), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Juan Gómez Escariz

Mobella grande (Gavia immer), 02/03/2013 (c) Xoán Diéguez Vázquez